الريحان والعطور المفرحه والمزيله للاكتئاب

الحموضه وكيفيه علاجها

وصفة لعلاج تشقق اليدين والأظافر

نضع اليدين فى ماء + خل والاظافر فى عصير ليمون
 ثم توضع خميرة بيرة +ماء
ثم تغسل وتدهن بزيت ذرة + زيت زيتون

طريقة عمل شامبو العسل لخبيرة التجميل دينا الجارم

المقادير :
600 جم صابون مبشور طبعا صابون طبيعى بزيت الزيتون او الغار
1 كيلو جرام عسل نحل طبعا نقى
250 ملل مياه مقطرة ودى بنجيبها من الصيدلية
100ملل زيت زيتون

الطريقة :
1- هنعمل حمام مائى وهندوب المياه مع العسل على نار هادية جدا من خلال حمام مائى يعنى مش هنحط العسل مباشرة على النار
2- بعد الدوبان هنضيف الصابون وهنقلب والتقليب يكون بمعلقة خشب
3- هنبدا نضيف زيت الزيتون واحدة واحدة ونقلب يعنى هنضيفه نقطة نقطة ونقلب
4- بعد ما يبرد هنحطه فى برطمان زجاجى محكم الغلق وبمرور الوقت هيجمد معانا وهناخد منه معلقة نضربها ونغسل بيها شعرنا

ماسك النخاع للشعر

هنتكلم انهاردة على النخاع وازاي بيتعمل ماسك للشعر

أولا : ماهو النخاع الطبيعى :
النخاع الطبيعى هى ماده تتكون داخل العظام ولكن أحنا هنا نتكلم عن نخاع البقر و الجاموس ماده مغذيه جدا جدا للأكل وغير الأكل فيها خلاصة غذاء الجسم كله و بهاريز الفيتامينات و المكونات الأساسيه الى بيحتاجها الجسم النخاع طبعامن الأخر الى بيه بيمشى الجسم البشرى و الحيوانى.

ثانيا : فوائدالنخاع :
النخاع يعوض الشعرعن اى نوع دهون الشعر فقده مهما كان نوع الشعر ومهما كان مستوى اجهاد الشعر و ضعفه
النخاع فيه فيتامينات متعدده جدا و خصوصا البروتينات الى داخله فى تكوين الشعر

طريقة عمل النخاع ماسك للشعر:
1- هتشترى النخاع ده من عند الجزار تروحى تقوليله انا عايزه نخاع هيديكى و يمكن من غير فلوس عشان ملوش اهميه عنده و لو جزار عبقرىي وعارف قيمته هياخد مبلغ رمزى جدا
2- تجيبى اى كميه لأنك ممكن تشيليه فى الفريزر لحد ما تستعمليه مره تانيه مش هيجراله اى حاجه
3- شكل النخاع بيكون شبه قطعة الزبده البيضاء بس طبعا مش مستدير ده طويل وأول ماتمسكيه بيسيح فى أيدك اويعطيكى ملمس الفازلين
4- لو حبيتى تسيحى النخاع و تضعيه فى علبه براحتك بس انا اخدته من الجزار على شعرى عالطول و مش تغليه تسيحيه يفك من بعضه بس
5- بيكون ريحته طبعا زى ريحة اللحم بس مش نفاذة
6- تجيبى كميه مناسبه و يكون شعرك نضيف و غسلاه بالماء الساخن عشان تكون المسام متفتحه و شعرك دافى نشفى شعرك من الماء بحيث يكون مندى و أبتدى من الجزور قسمى منطقه منطقه خدى من النخاع افركيه بين اصابعك القطعه الى فى أيدك هتسيح وادعكى فروة رأسك وأستمرى لحد ماتخلص فروة رأسك وانزلى على الشعر واعمليه كله وغطى شعرك بكيس او بونيه الحمام.
7- خلصتى؟سيبى بقى شعرك مش أقل من ساعه عايزه ازيد اوكيه يكون أحسن انا سيبته لحد ما خلصت كل شيئ فى البيت مع ماما و باليل غسلته
8- أغسلى شعرك بماء مائل للسخونه يعنى متغليش راسك واغسلى بالشامبو بتاعك هتلاحظى من أول مره غسلتى شعرك ان النخاع الزائد طلع كله وملوش اى أثر يعنى لا ريحه ولا ملمس دهنى سهل جدا فى غسله
9-ان شاء الله هتلاحظى الفرق من أول مره تلاقى شعر ناعم مفرود و فيه لامعه وحيويه.