صابون الألوفيرا الطبيعي لبشرة نضرة وجذابة جربيه بنفسك

 

يتميز نبات الصبار بالعديد من الخواص الجمالية لعلاج مشكلات البشرة وتجديدها لذا فان صابون الالوفيرا الطبيعى له العديد من الفوائد والتى منها :

- يحتوي على المعادن الطبيعية كالزنك المفيد لتقوية البشرة والشعر.

- يحتوي على مضادات الأكسدة كفيتامين A، C، وفيتامين E، مما يساعد على علاج مشكلات البشرة وتجديد خلاياها.

- يحتوي على مادة الهيستامين المضادة للحساسية والتهابات البشرة.

- يحتوي على خواص طبيعية مضادة للجراثيم والميكروبات، مما يساعد على علاج العدوى الجلدية.

 وبدلًا من استخدام أنواع منظفات البشرة التجارية، حضري صابون الألو فيرا الطبيعي لإنعاش وتجديد بشرتك بنفسك كما يلى.

المكونات اللازمة:

- قالب مبشور من صابون الأطفال.

- كوب من الماء النقي.

- ملعقة صغيرة من زيت الزيتون النقي.

- ملعقة صغيرة من زيت جوز الهند.

- ملعقة صغيرة من زيت اللوز المر.

- نصف كوب من جل الألو فيرا الطبيعي.

خطوات التحضير:

1- ضعي الماء مع جل الألو فيرا المستخلص من أوراق نبات الصبار مع التقليب حتى تمام التجانس.

2- في وعاء صغير يضاف الخليط مع الصابون المبشور على نار هادئة مع التقليب المستمر حتى تمام الذوبان.

3- بعد ذلك، تضاف الزيوت الطبيعية ويقلب الخليط جيدًا ويترك حتى يبرد تمامًا.

4- في النهاية يصب الخليط في قوالب ويترك حتى يجمد تمامًا. 

وصفة سحرية لتفتيح الأماكن الحساسة والغامقة بالجسم

- 5 ملاعق فازلين.

- 2 ملعقة بودره جونسون للاطفال.

- 3 ملاعق زيت الورد.

- 1 ملعقة زيت اللوز.

- ملعقه من مطحون اللافندر.

تخلط المكونات فوق حمام مائي.

تدهن الأماكن الداكنة بحركات دائرية وتترك، ثم تشطف في اليوم التالي بالماء الفاتر.

وصفة د/ عبد الباسط السيد لعلاج تشققات البطن

- ثلاثون جرام عسل
- ثلاثون جرام عصير ليمون
- خمسة عشر جرام كولونيا
وتدهن به التشققات يوميا

اصنعى بنفسك كريم لتقشير ونعومة اليدين

إذا أردت أن تحصلي على افضل النتائج المرجوة من كريم اليدين عليك أن تقومي بتقشير اليدين أولاَ ثم وضع الكريم اللازم لها .

ولتقشير اليدين :
-  قومي بمزج ملعقة من الفازلين وملعقتين من السكر في راحه اليد ثم قومي بدعك اليدين وإذا لم يتوافر لديك الفازلين يمكنك استبداله بكريم مرطب وتأكدي من دعك ظهر اليدين والمعصم جيداً
- استمري في الدعك لمدة دقيقة واحدة ثم اغسلي اليدين جيداَ سوف تشعرين بالفرق والنعومة فوراً , قومي بعمل تلك العملية مرة واحدة في الأسبوع .

بعد الانتهاء من تقشير اليدين قومي بوضع كريم اليدين المرطب الذي سيًمتص في البشرة بصورة افضل ...

وصفه د/ عبد الباسط السيد لعلاج البهاق

 

لعلاج للبهاق يتم خلط بذور الفجل المطحونة مع زيت الزيتون الطبيعي ثم يدهن به مكان البهاق

وصفة د/ عبد الباسط السيد لعلاج التينيا الملونة

يدهن زيت حبة البركة يوميا صباحا ومساءا(طول الليل)

وصفه د/ عبد الباسط لعلاج الهالات السوداء حول العين

اكد الدكتور على انها نتيجة للكبد الدهني وعلاجها هو:-

- ملعقة عسل مذابة في الماء يوميا
- وملعقة زيت الزيتون وملعقة خل في السلطة يوميا
- وملعقة املج يوميا في الصباح والمساء

وصفه د/ عبد الباسط السيد لعلاج الجروح المتقيحة التي لا تشفى

 

تتكون الوصفه من :
- ثمانين جرام عسل النحل
- عشرون جرام زيت كبد الحوت
- زيروفورم(موجود بالصيدليات)يسحق الزيروفورم والعسل ويضاف عليه زيت الحوت ويوضع المزيج على الجرح مرات الى ان يلتئم الجرح

وصفه د/ عبد الباسط السيد لازالة الشعر الزائد

تؤخذ مائة جرام من السعد
مائة جرام من بذور السكران

ويطحنوا جيدا وتاخذ ملعقة (تكون الخلطة مثل العجين) وبعد ازالة الشعر في الحمام تدهن المناطق المراد ازالة الشعر بها بالخليط ومرة على مرة سيتناقص الشعر تدريجيا ومن الافضل ان تكون هذه العملية بالليل

نصائح لقدمين سليمتين بلا فطريات ولا تشققات ملتهبه

هذه بعض النصائح البسيطة للتخلص من مشكله فطريات القدمين وتشققاتها:

1. يفضل نقع القدمين في ملح بحر طبيعي مره في الاسبوع تقريبا
2. عدم استخدام ماء ساخن لغسل القدمين حتي لانعطي الفطريات المناخ المناسب للتكاثر.
3. تجفيف القدمين جيدا بعد كل استحمام خصوصا بين الأصابع
4. دهان القدمين بكريم مرطب أو مرطب فازلين للقدمين قبل النوم
5. التأكد من لبس جوارب قطنيه بعد ترطيب القدمين . (الا لمن يعانون من السكري )
6. شراء المعدات المهمه للعنايه اليوميه بالقدمين واستخدامها يوميا مع الاستحمام.
7. تقشير القدمين مرتين اسبوعيا بقبضة يد من الملح الناعم وتدعك به القدمين أو بمقشر جاهز خفيف.

وصفة لعلاج تشقق اليدين والأظافر

نضع اليدين فى ماء + خل والاظافر فى عصير ليمون
 ثم توضع خميرة بيرة +ماء
ثم تغسل وتدهن بزيت ذرة + زيت زيتون

وصفة لشد الثدى والبطن والارداف

قومى بعمل خلطة مكونة من :

ملعقتين كبيرتين لاى كريم للجلد
ثلاث ملاعق زيت الزيتون
وقليل من ماء الورد ونصف ليمونه

توضع فى زجاجه وترج جيدا ثم يوضع اناء به ماء مغلى وتوضع به الزجاجه ثم يؤخذ منها
على راحة اليد ويدلك بها الثدى فى شكل دائرى والبطن والارداف ويترك ساعه

ثم يغسل بالماء الدافىء والصابون

تكرر هذه العمليه لمدة 15 يوم سوف ترين النتيجه بنفسك.
هذه الطريقة التى يستعملها نساء اروبا.

طريقة عمل الصابون المغربي فى البيت

جايبلكم انهاردة طريقة عمل الصابون المغربي فى البيت طريقة سهله وسريعه وبسيطه ومفعولها طبعا مايخفى عليكم

 المكونات والطريقة

فنجان قهوه زيت الزيتون
فنجان زيت اللوز المر

فنجان ماء الورد صابون الغار ( مطحون او مبشور ناعم )

نحضر علبة متوسطه الحجم ونضع نصف العلبه ماء

ونحطهم بالعلبة ونخلطهم مع بعض واخليهم يوم كامل وكل شوي تعالي وارجي العلبه شوي علشان يذوب الصابون

شاور جل طبيعي من صنع يديك لتبيض جسمك

اليك مكوناته
صابونة نابلسى مبشورة
ودى صورته للى ماتعرفش وممكن تستخدم صابون الغار 

فنجان عصير ليمون
2م كبيرة نشا
2م كبيرة زيت زيتون
2م كبيرة زيت لوز مر
نصف فنجان ماء ورد.

التحضير

يبشر الصابون ويوضع عليه ماء الورد ويوضع على النار مع التقليب حتى يذوب الصابون وتضاف باقى المكونات على بعضها وتقلب وبعد ذلك تضاف للصابون مع استمرار التقليب ثم توضع فى زجاجة.

الاستعمال
تدهنى به بشرتك كلها وتتركيه ربع ساعة ثم تدلكى جسمك جيدا بفرشاه الاستحمام.بصراحة رائع نعومة وبياض ومايحتاج ترطيب بعده

وصفة د/ عادل عبد العال لتشقق الشفاه والقدمين

لعلاج تشقق الشفايف 
زيت خروع +زيت ذرة +زيت زيتون يمسح به الشفايف3 مرات فى اليوم 

لعلاج تشقق القدمين 
نفس الطريقة  السابقة يتم عملها للقدمين + فازلين وتنقع القدم فى ماء ساخن قبل الدهان ويلبس مشمع نيلون بعد الدهان

وصفة للتخلص من جفاف اليدين والقدمين

 تزداد مشاكل البشرة مع الصيف خصوصا بسبب الشمس وهناك مناطق اكثر عرضة للشمس وهي اليدين والقدمين
  كيف تتخلصين من جفاف اليدين وتجعليهما ناعمتين ومن طبقة الجلد الميت في الأرجل بدون حك او كشط
 
الطريقة سهلة جدا 
ادهني اليدين والقدمين بطبقة سميكة من الفازلين والبسي جوارب قطنية وكذلك قفازات قطنية على يديك وقدميك قبل النوم
وعندما تستيقظين في الصباح تغسليهم بالصابون كويس وتحطي لهم مرطب عادي ووداعا للجفاف والتشقق

ملاحظة:
في ناس يضيفو للفازلين صابون مبشور مع قطرات ليمون وذالك للتبييض 
 
وطريقته:
اذيبي الفازلين في قدر ثم اضيفي الصابون المبشور وقطرات من الليمون
وانتظري حتى يتجانس الخليط ثم ضعيه في برطمان وادهني منه رجليك قبل النوم مع مراعة وضع جوارب قطنية
وفي الصباح تغسليهم
الصابون مفيد للتظيف والليمون للتبييض

وصفات لعلاج تشقق القدمين

-بعض الوصفات أثبت فائدتها مع العديد من حالات تشقق القدمين و نقدم لك البعض منها:

-الوصفة الأولى:
اخلطي مقدارا من الفازلين و نفس المقدار من عصير الليمون و القليل من زيت الزيتون حتى لا يصبح المزيج سائلا ثم ادهني به قدميك كل ليلة قبل الخلود إلى النوم و البسي جوارب صوفية و في الصباح اغسلي قدميك بالماء الدافئ و ادهنيهما بمرطب للبشرة الجافة و حاولي ارتداء حذاء مريح و تجنبي الأحذية المفتوحة قدر المستطاع

-الوصفة الثانية:
و هي وصفة ناجحة حقا
أحضري قطعة من شمع النحل و ذوبيها على النار حتى تصبح سائلة ثم صبي عليها القليل من زيت الزيتون وهي لا تزال حارة و اخلطيها ثم اسكبي الخليط في علبة نظيفة و ستلاحظين أنه أصبح مثل المرهم عندما يبرد استعملي هذا المرهم ليلا قبل النوم و احرصي على لف قدميك بجوارب صوفية

وصفات لعلاج حب الشباب وخصوصا فى الوجه

تعانى بعض الفتيات من ظهور حب الشباب وخاصة فى الوجه مما يسبب لها مشكلات عديدة تؤرقهم مع استمرار هذه الحبوب
تقول منى هانى صاحبة جروب خاص للعناية بالبشرة: "يمكننا تفادى ظهور حب الشباب وعلاجه بطريقة بسيطة جدا عند غسيل الوجه وذلك باستخدام المعقمات الطبيعية، ومن هذه المعقمات خلط اللبن بالماء فهذا يساعد على تعقيم البشرة ومنع ظهور حبوب جديدة ويمكن استخدام نبات ورق الكافور، حيث إنه يعتبر من المواد المعقمة للبشرة ويتم ذلك على طريق وضع ماء مغلى على ورق الكافور، وتغطيته لمدة 3- 4 ساعات، وتصفيته بعد ذلك بقطعة من الشاش، ومزجه بعد ذلك بقليل من خل التفاح الطبيعى، ووضعه فى الثلاجة، ثم نقوم بغسل البشرة به يوميا

استخدام الخميرة فهى تساعد على منع ظهور

طريقة عمل الحمام المغربى

النهارده بقي اهاديكم هديه الجواز لكل عروسه

وبجد مش عاوزه منكم رد للهديه دي غيرانكم تدعوا لي ان ربنا ييسرلي اموري ويعجل لي بالخير ان شاء الله

بصوا بقى مبدئيا اختاري الوقت الصح لعمل الحمام المغربي

يعني مش وقت البيت كله بيطلب فيه استعمال الحمام مطلوب الروقان

  

هنقول الاول كل المطلوب بالاسعار والصور ومنين 

اولا الادوات المطلوبه

الليفه المغربي

ده شكلها

وفي منها اللي عامل زي الكف

سعرها ب20 – 25 جنيه وفي نوع ب 9 جنيه وبرده شغاله كويس المهم تكون اصليه

فايدتها

دي مش زي اي ليفه عاديه ..دي وظيفتها تشيل الجلد الميت اللي ملوش لازمه بمنتهي الهدوء وبدون ماتسبب التهابات ولا اي مشاكل وفيها ميزه جامده جدا لو تم الانتظام عليها فهي هتعمل تقشير للبشره والتقشير ده اوعدكم انه هيشيل الحبوب بتاعت الضهر واللي علي الرجل من فوق واللي بتطلع بعد السويت والشعر اللي بينبت في الجلد ومش بيطلع علي السطح

تمام كده يابنات خليكوا معايا واحده واحده

الصابون المغربي

ده شكله

وفي منه السايب وفي اكياس اصغر مجربتهاش الحقيقه انا بقول اللي جربته بس

وسعره 25 – 30

ده بقي الباسورد بتاعت النضافه من غيره الليفه مش هتديكي النتيجه المرجوه ليه بقي؟؟

عشان الصابون ده فيه كل مايمكن انه يفيد بشرتك ويطريها وينعمها ويفتح لونها وينقيها كمان

فله فله يعني

ماء ورد

طبعا كلنا عارفين شكله ايه وزياده تاكيد

اهوه

وسعره بيختلف من نوع للتاني بس النوع بتاع لونا من الصيدليه ب7جنيه ونص

فايده معروفه طبعا

بس للي ماتعرفش بينور بشرتك ويورد لونك كده وتونك ممتاز للبشره

ليمونه

عشبه الداد

دي صورتها

ونخلي بالنا اوي من العشبه دي

العشبه دي بتفتح كل الاماكن السمرا في جسمك بس تتعاملي معاها بحذر وزي ماهقولكم بالظبط ومش عاوزه افتكاسات

سعرها الربع كيلو ب25 - 30 جنيه

الطمي المغربي

ده شكله

وانا بجيبه سايب من عند العطارالربع كيلو ب 25 جنيه واوقات ب20

مهم موووووووووووت هيتوغل في بشرتك ويشيل الشوائب ويعقم جلدك ويخلي بشرتك حرير والاستمرار هيفتح اللون برده

شوفي كم حاجه بتفتح اللون في الحمام ده

حجر للكعوب

شكله اهوه وب 5 جنيه فقط

ماااعتقدش في حد مش عارفه فايدته ايه

واستنوا بقي معايا

بخصوص الكعوب دي هقولكم علي حركه تهووووووووووووووووووس تخلي كعب رجلك احمر ويجنن

الخطوات بقي يا عرايس 

خلاص بقي جبنا كل حاجه وكل تمام وداخلين علي الشاور التمام

1 – بصي ياعروسه منك ليها بقي

عندك اختيارين لو عندك بانيو هتمليه بميه سخنه علي قد ماربنا يقدرك ووتكوني قافله الشبابيك كويس عشان يبقي الحمام مليان بخار والدنيا حواليكي مشبره اوي واتنقعي فيه بتاع ربع ساعه علي الاقل لو تقدري اكتر وماله مايضرش

معندكيش يبقي تقفي زي الشطوره تحت الدوش 10 دقايق ميه سخنه وياريت قبل متدخلي تحت الميه تفتحي الدش قبل الحمام بشويه عشان البخار

اكرر البخار اهم حاجه والميه لازم تكون اسخن حاجه جسمك يقدر يتحملها

* ملاحظه مهمه تاني :

انقعي الليفه المغربي لو هتستعمليها لاول مره في ميه سخنه مغليه لمده نص ساعه هي والحجر بتاع الرجلين

هاتي طبق وفيه ميه سخنه مغليه وحطي الاتنين فيها نص ساعه

2 – قومي بقي ياقمر فضي البانيو بتاعك واقعدي علي الحرف بتاع البانيو وادهني جسمك بالصابون المغربي دهان هيبقي لزج وشكله عامله زي العسل الاسود كده مش سايل اوي يعني بس لزج وخليه يغطي جسمك كله

3 – سيبيه علي جسمك من 20 – 30 دقيقه والله كل ماتفضلي اكتر طلع نتيجه اكبر

بصي بقي اعملي حسابك الحمام ده علي الاقل بياخد بتاع ساعه ونص هاتي معاكي مجله عشان مش تزهقي من القعده بس النتيجه تستاهل الانتظار وهتبقي مدمنه وتكرريه كل يومين تلاته والله وعن تجربه

بص ياقمر منك ليها

وانتي قاعده بتستني انتهزي الفرصه واعملي لشعرك حمام كريم

ولما تخلصي تدليك فروه راسك (طبعا من غير ماتخلي الميه تزحلق الصابون ياحلوه)

انزلي بقي بالحجر علي كعوب رجليك واديهاااااااااااا

افركي فيها لحد ماتشيلى كل الجلد اليمت ..خلاص خلصتيها تمام

بصي علي الساعه ..فاتت النص ساعه

4- قومي اشطفي جسمك بالميه السخنه كووووووووووويس اوي وشيلي بايديكي كل اثار الصابوووووون تماما بايديكي موش الليفه

5 – دوقتي بقي طلعي الليفه من الطبق اللي كنتي ناقعاها فيه والبسيها في ايدك ودلكي جسمك دواير دواير الاول بضغط خفيفه وبعدها ذودي الضغط علي قد ماتقدري

ماتستعجليش ،،، بعد خمس دقايق بس من التدليك الجلد الميت هيبتدي يقع قدامك علي الارض

دلكي وادعكي بانتقام كل الاماكن السودا او الغامقه

الركب – الكعوب – الكوع - مفاصل الرجل

واتعاملي بحذر بالغ في المناطق الحساسه او للي جلدها رقيق

بصي لو عندك بقي حبوب في اعلي الفخد او اعلي الضهر دلكيها بضغط متوسط

6– اشطفي جسمك كويس بالميه هتلاقي جلدك بيلمع من النضافه ياعروسه 

7 – بسرعه هاتي طبق صغنن حطي فيه معلقيتن من عشبه الداد

بس خلي بالك العشبه دي ماينفعش تتحط علي الوش ولاتقربيها من نفسك خاااااااااااالص

المهم تحطي معلقتين منها في طبق وعليه نص لمونه وتحطي عليهم ميه ورد وتعجنيها عجينه نص سايله وحطيها علي جسمك 5 دقايق بالعدد وخصوصااااااااااا الاماكن الغامقه منه

8 – اشطفي جسمك تاني

9 – معلش عارفه انك زهقتي بس النتيجه والله تستاهل التعب وكله يهون من اجل جسم بلاشوائب ولاعيوب ولاايه؟؟؟؟؟؟

هاتي طبق تاني وحطي فيه 3 معلقه كبيره طمي مغربي واعجنيه بميه ورد ونص اللمونه التاني لحد ماتبقي عجينه الي حد ماسائله برده ووزعيها علي جسمك كله وانتظري 10 دقايق المره دي

10 – اشطفي جسمك حلو اوي المره دي بميه دافيه مش سخنه

11 – ياريت لو تحضري ازازه بلاستيك من بتوع الجلانس لو عندك واملي نصها ميه ورد ووربع كوبايه ميه عاديه ونقطتين زيت ورد او زيت ياسمين او زيت لافندر

الازازه ب 5 جنيه وتحطي نقطتنين بس مش اكتر

ورشيها علي جسمك واستني دقيقه ينشف ونشفي جسمك واطلعي ياعروسه

12- الفااااااااااااينل بتاعتنا بقي

هاتي ازازه زيت بيبي جونسون وكم نقطه في ايديكي ودلكي جسمك عشان الترطيب

احلي الاسرار بقي

عارفه دم الغزال اللي بيتباع عند العطاراللي شكله كده

اه اللي بيعجنوا بيه الحنه .هاتي منه ب2 جنيه بس وهاتي علبه فاضيه بتاعت كريم مرطب وليكن ايفا بالخيار عشان الجسم بيمتصه بسهوله وحطي علي العلبه (هاتي اصغر حجم ) مقدار راس كبريت بالظبط من دم الغزال واخلطي الاتنين ببعض هتلاقي الكريم بقي لونه بينك غامق شويه ودلكي بيه ياقمر كعوب رجليكى وياسلام لو تلبسي بقي عليها شراب لحد ا لصبح

هتصحي تلاقي كعوبك حمرا اسبووووووووووووووووع

وماتنسيش تدعيلى

ورق الكافور والخميرة لعلاج حب الشباب

تعانى بعض الفتيات من ظهور حب الشباب وخاصة فى الوجه مما يسبب لها مشكلات عديدة تؤرقهم مع استمرار هذه الحبوب

تقول منى هانى صاحبة جروب خاص للعناية بالبشرة يمكننا تفادى ظهور حب الشباب وعلاجه بطريقة بسيطة جدا عند غسيل الوجه وذلك باستخدام المعقمات الطبيعية ومن هذه المعقمات خلط اللبن بالماء فهذا يساعد على تعقيم البشرة ومنع ظهور حبوب جديدة ويمكن استخدام نبات ورق الكافور حيث إنه يعتبر من المواد المعقمة للبشرة ويتم ذلك على طريق وضع ماء مغلى على ورق الكافور وتغطيته لمدة 3- 4 ساعات وتصفيته بعد ذلك بقطعة من الشاش ومزجه بعد ذلك بقليل من خل التفاح الطبيعى ووضعه فى الثلاجة ثم نقوم بغسل البشرة به يوميا

يمكن استخدام الخميرة فهى تساعد على منع ظهور الحبوب لاحتوائها على فيتامين "ب" المهم جدا للبشرة لذلك ينصح بتناول 3 ملاعق من الخميرة، سواء كانت خميرة الخبز التى تعجن بها أو الخميرة الطبية مع كوب من اللبن يوميا.